Es paar Sache so uber mich :-)



Also, ich heissu Jeanine Salzmann und bi am 3.Februar 1989 in Brig geboru. Ich wohnu mit miner Family und minum Brüeder iner Metropola Natersch ;-)




In miner Friiziit spili Volleyball, tüe tanzu, machi eppis mit Kollegu oder eswa ine Üsgang. Momentan bini so eini va dene
ewigu Studäntinne am Kollegium Spiritus Sanctus zBrig, und das blibt wahrschinli öi nu gad en Momänt eso.




Endi Juli gahni de fer es Jahr bzw. 11 Monät uf Amerika, fer mal ga zlüegu was bi dene so löift. Fallsi nit gad zVegas sellti heiratu, ema Harley-Verei sellti biträttu und mit dene swa wägfahru oder ufum Surfbrätt heichu blibu, de bini also znegscht Jahr so im Juni wieder iner Schwiiz... :-)



Momentan weissi nu nit genau, wa de mis ATJ wird stattfindu. Eiguntli hets zersch gheissu ich chäme uf Oregon aner Westcoast, und jetzt bini momentan bi miner Betröieri igetreit, d.h. dass isch so mini Welcome Family, und vili blibi de öi zganz Jahr bi dene. Jedufalls wohnunt di in Dallesport, und das kehrt scho zu Washington, isch allerdings gad diräkt aner Grenza zu Oregon. Aber schribu de weni genau weiss, wohi dasi jetz chumu...



Ich wellti da zAmerika mal irgendwie ganz nöii Sache üsprobieru, wellti mal gah surfu, zAutopermi machu, lehru Gitarr spilu, inera Bänd singu, Schielerzitig, oder irgund so eppis... oder mal so ganz crazy Schüelfächer näh, whatever... gsehni ja de wasi wirkli cha verwirklichu ;-)



Jaa, was gits da susch nu zsägu... Wenner nu eppis wellt wissu, de fräget halt eifach ;-)