Archiv

News, News...

Sooodelein, jetz häni endli mal wieder Ziit hie eppis zschribu. Also theoretisch bini zimli im Stress, und jetz isch zInternet natirli gad 2 Täg nit gangu und hitu isch de endli sones Embarq-Heini verbii cho, fer das ga zflicku….anyway, üsser dasi immer biz im Stress bi geits mer eiguntli ganz güet. Sitzu gad im Wohnzimmer äbu das am schribu und hä gad freakin’ chalt, aber süsch ischs ok…also de verzelli cha mal was hie so abgangu isch:


Am Fritag isch de normal Schüel gsi, und am Abu bini de mim Marcio zämu ans Footballgame va Lyle gangu, unde heiwer de da dMareike, Phem, Gerardo und nu anneri getroffu, siiwer mit dene biz manand gheicht. Und nar heiwer gmeint (also der Marcio und ich) wier miesse swa ufum Highway ga campu, will wer niemerd hei kä, wa nisch hätti chennu cho holu, de het de aber der Allen (Gisela-Maa) Mitleid kä *g*…


Am Samstag ööhm, heiwer mal üfgrümt hie, sii mim Luciano ga zMittag ässu unde biz so manand glölinut, bis de mier di toll Idee isch cho, ich chennti doch am Abu en DVD Abu machu und „espaar“ Litini igladu. Am Schluss sind de appa fasch 12 Liit in minum Wohnzimmerli gsitzt unde heiwer so der Film „Fear of Sea“ oder „Sea of Fear“, weiss nimme genau wiener het gheissu, glüegt. Hä nu nie sonen schlächte Horrorfilm gseh :P.. aber isch jedufalls ganz luschtig gsi…


Am Sunntag siiwer de ga ichöifu, nacher mim Cujo ine Park ga ichöifu unde, heiwer am 3i es Meeting kä, also alli Üstüüschschieler. Hä gedeicht das geit vili sonen Stund oder so, aber gosh, schi het eifach 3h gredt!!! :P jedufalls organisiere wer jetz en „international Halloween-Dance“, also halt american Halloween, Carnival va Brasil, Fasching va Ditschland, Fasnacht user Schwiiz (hehe, solli en Gätschdemonstration hie machu? *g*) undjaa…. Am Abu wenni deheimu bi gsi, ischmer ziicho, dass vam Carlos der Kolleg ja en DJ isch, de häni demu aglitu und jetz isch de der ische DJ…. Ich glöibu wier sellti nit gad so jedes Liiti iladu, willwer nit so viil Platz hei, aber der Luciano het scho alli schini Neffe igladu und ich hä scho jenschti Liit vaner Schüel igladu *g*…


Öhm, am MO isch de wider Schüel gsi, also verzelli am beschtu mal sones paar Schüelgschichtini, oder? :-P, also am MO häni en Soloüftritt kä :P d.h. ich hä vor dum ganzu Chor miessu es Lied uf Italienisch singu, und alli voll begeischtrut gsi *g*…


Am DI di Gschichtsstund isch wieder voll der Hammer gsi, ich glöib der Lehrer mag mich (der wa so ähnli isch wie zBürchi (aber Niveau-Witza*g*))…de heiwer swas es Zitat kä, und in dem is drumgangu wägu „hear“ und „listening“, also was isch Differänz (ka wie das uf Ditsch gschieder seisch) zwischu losu, und verstah was der anneru gseit het…. Unde hets es Bispiil gnu und an dWandtafel gschribu „cat“… de heiwer sellu erkläru was das isch und eis isch eifach scho da voll zbeschta, und seit „Housecat“, Hüüschatz… alls gegröhlt… nacher hets drunner gschribu „Zug“ und ich natirli dEinziga gsi wasus verstannu het. Alli so hundertmal gfrägt was de das heisse,und der Lehrer so gfrägt, weiss irgundswer in dischum Rüüm was das isch. Und ich so dur zZimmer gheuru „yeah“ (hehe das machsch hie eifach, briellusch dAntwort dur zZimmer) und natirli alli schich umgedräht. Und ich so äbu, das sige en train. Und eis eso: „oh ist hat a switzerlandish word?“ alli gegröhlut wieder, will äs heisst Swiss word. Und nacher sindsch eswie dadrüf cho, wägu Sprache unde hets gfrägt ja wieviil Sprache ich de chenne und bla… und alli so wooooow, hehe… unde ischs so schutz wiitergangu, unde het der Lehrer wieder swas gfrägt und alli wieder so blödi Antworte gegä. Unde äs so voll zmier zrugg gheuru, also falls de ich deiche, das schi irgendwie nader Schüel das probe, das stimme de nit. Hie sige de alli so tumm… Hä gmeint ich kiie vam Stüehl vor lachu… jedufalls het zLudi hitu beschlossu, dass äs ind Schwiiz will ziglu *G*…


Öhm, was gits nu nöis? Also geschter hänis fertig gebrungu miis Natel zsperru, willi 3 Mal der falsch Pin igegä hä (danke Mama fer zhälfu *G*) jetz isch aber alls wieder ok… diz Wuchenend het mi eiguntli dStacie igladu fer zira zcho, also mit Ubernachtu und so (isch hie zimli normal) und Jody und Luciano gseit, jaja gang nur… bis Gisela het aglitu und gseit, AH NENENEI, das gäge nit, mini Gaschteltru miesse zersch va dera dEltru träffu und blaaa… jetz chunnt de appa dStacie diz WE zu mier, unde mal lüegu…


Hitu bini so iner Mensa gsitzt (nei hä nit da gässu, ischmer doch zgrüsig *g*) unde ischmer di glorrich Idee ziicho, dassi doch chennti en Karaoke Abu machu, und alli en hüeru Begeischtrig kä (nit so wie ier am Afang an Silväschter *G*)… unde machi de das appa…


Ja anyway, das isch appa alls gsi wa isch abgangu…üsser dassi vorgeschter dNacht ufum Couch verbrungu hä, will di freakin’ Hamster sonen Krach hent gmacht…hehe… jaa, also, de bis negschtusch Mal! Take care and take to y’all later…

Jeanine

2 Kommentare 4.10.06 00:54, kommentieren

Nur gad 3 Sache...

Ciauuu zämu,
nur gad schnäll eppis:


also erschtens probieri jetzde gad hie das Bild dri zstellu, va minum Mensaüftritt (hoffu mal das das jetz mal geit *g*) nee, wissederwas, machu gad diräkt en Link, bi zfühl da manand zprobieru *g*:


Türlütütüüüüü


ehm zweitens müessi gad en Filmempfählig machu. Het jemand va ew scho vam "The Texas Chainsaw Massacre" kehrt? Wier sii jedufalls geschter bi Hollywood Movies gsi, unde henschmi äbu gfrägt, obi das kenne und ich so nei. Und schi voll gschockt gsi, willdas appa en Tragödia isch went das nit kennsch. Jedufalls lüeget denu mal wener drachämet, zimli en creepy Film wa uf wahre Ereigniss basiert... ich glöibu jetz chunnt de süsch gad dNöiverfassig ins Kino (hie glöib negscht Wucha) unde gahni de denu numal ga lüegu...ah und fer di wa "The fast and the furios tokyodrift" nu nit gseh hent, isch öi nu en kuule Film, häni geschter öi nu gelugt...


Und drittens, unde hänis de, hä jetz afamal eis nöis Gedicht hie drigstellt (findeder unner der Sita "poems") undja, anyway, äs isch in Englisch, aber äs reimt schi (hehe weiss öi nit wieni das zStand gebrungu hä) ja, wärdi sowieso nit alls hie veröffentlichu, aber vili mal ab und züe eppis... fer Kritik, immer mier schribu (und nei, ditschi Fassig gits nit *g*)


Das wäri mini News gsi, blibu hitu deheimu willmer schlächt isch. Also häbet cha Sorg!
Jeanine

1 Kommentar 4.10.06 18:24, kommentieren

Tralalalalala...

Jetz isch gad Samstag Namitag, und hä gad zviil Ziit, also machi en nöie Blogitrag… ehm äs isch glöib nimme sooo viil gluffu. Am MI bini chrank gsi, also eiguntli ischmer totschlächt gsi, und hä nar üsagfunnu dassi vaner Milch wa uber zDatum isch gsi, getrüchu hä, und ich hä gmeint, di Cheerios schmecke nur annersch :P… dischi Wucha heiwer extrem viil Filma glüegt. Hei irgendwie „Texas Chainsaw Masacre“, „The fast and the furios Tokyo Drift“, „The glass house“, „the lake house“ und „XMen“ glüegt…


Ehm am DO bini mal wieder zspaat ind Schüel cho (scho zdrittusch Mal in 2 Wuche) will der Luciano mi immer vergisst abzholu oder an irgendwettige Sitzige isch. Jedufalls häni jetz en persönliche Chauffeur, dAlexis (vam Sergio dFröindin) chunnt mi jetz jede Morgu ga holu und fahrt mi immer nader Schüel heim…


Und hä nu 2 Schüelgschichtini. Also erschtens, am DO hets gheissu, wier miesse sonen chleine Votrag machu, uber en „covert operation“, erkläru was das isch gsi und alles. Unde het mi der Lehrer mit 2 annere Wiiber ini Gruppa geta, de siiwer also ini Bibliothek gedödelt und beidi so verwirrt, ja was miesswer de jetz machu. De hänine zerschmal miessu erkläru was en covert operation uberheupt isch (nadem dassus der Lehrer ungefähr 1000000000 Mal letsch Wucha erklärt het, détail…) nacher siiwer en covert operation ga süechu. Und schi afamal ka kä, wiemu das chennti süechu. Ich also das ga googlu, und hä de ämmel „operation condor“ gfunnu, und eini so, ja bisch der de sicher dass das en Operation isch. Halllo? Wenn’s heisst, OPERATION condor, de is ja vermüetli öi eini, oder was? :P anyway, de häni empaar Site gedruckt zum läsu, und theoretisch müesch ja nur gad abschribu und alls. Und eini so gläsu, aaah ich chumu dem so nit na, das isch sooooo kompliziert… und ich so, jawolla, wenn ich dem nachchumu, als „foreigner“, de tschegget ier dem öi… hä fasch vergässu. Das isch ja so kompliziert, en chleini Präsentation zmachu :P


Und di zweiti Gschicht wäri, am FR Namitag heiwer wieder Gschicht kä, unde het eis so der Lehrer gfrägt, wennsch de isch dNote heimschicke, und der Lehrer het diräkt hinner mier gsitzt, unde hets üsgseh, als würdi äs mich frägu. Unde eis (äs isch so biz en Macho) gfrägt: Did you ask our foreigner? (Hesch ische „üsländer“ gfrägt, also isch nit besch gmeint gsi) unde der Lehrer so: Don’t ever call her foreigner anymore… (sägra nie meh so…) unde meint zLudi so: You know what, that’s why she doesn’t like you. (weisch was, das isch der Grund warum schi dich nit mag) und äs so gschockt mich gfrägt: You don’t like me? (Dü magsch mich nit?) und ich so zum Gspass: yeah (ja)… und di ganz Klass applaudiert und gebriellt :-D hehe


Öhm, was süsch? Also ich machu hina abu en Karaoke Dings äbu. Und moru fahrwer irgendwo hii, ka wa, aber wier starte am 5i am morgu hie, d.h. ich wärdu freakin’ fasch nix schlafu und nacher nu mieder siii… gosh :P aber de löift eppis…


Ehhm, ich cha wahrschinli nit zum Homecomingdance gah, will de ische freakin’ anner Dance isch, vane Üstüüschschieler… schisst mi anna, hätti da wellu gah… aber mal abwartu…


Jajajajaj, also süsch geitsmer hie güet,jetz hänimer gad anra Suppa zMüül verbrennt, aber kei Angscht, wärdu’s uberläbu (mier spinnts gad, appa dVorfreid fer Karaoke, n.b. häde jetz sone richtigi Karaokemachine üsglähnt, want der Text im TV gsehsch, zu edel :P)…. Also ich müess jetz nu ga Popcorn machu… talk to ya guys later!


Jeanine

8.10.06 03:05, kommentieren

Tadü tadaaa, en nöie Itrag isch da *g*

Dödliuuuu… what’s up guys? Wiedermal es Itragji usum sunnigu, chaltu Oregon in Amerikaaaaa… (tjaja, in Amerika gits de doch Chatze *g*, never mind, isch en Insider :P)… ehm was gits nöis? Zersch empaar aktuelli Nachrichte iner Tagesschau der kleinen Welt von Jeanine: (sry weiss nit wieso dassmer gad spinnt *g*)


Ehm der Hit des Tages isch am DI eis in miner Journalismus Klass gsi, äs heisst Jeff, sitzt diräkt vor mier und äs het letschte FR dMission, „Ich-will-meh-uber-dSchwiiz-lehru“ gstartut. Also stelltsmer di ganz Stund jede Tag 1000001 Frage und di bescht Frag an dem Tag isch gsi: „Do you guys actually have like roads and streets and stuff? Or do you have boats like in Venice, Italy?“ (Heit ier eiguntli so Strasse und so oder heider eifach Booti so wie in Venedig?) und ich häsus üsglachu willig meint hä, äs mäche Gspass. Aber äs isch voll ärescht gsi… ;-)


Nacher heiwer Gschicht kä, unde der Lehrer so: „Dude, I wanna go back to Vienna.“ (Ich will zrugg nach Wien gah) und eis so:“Where’s Vienna?“ (wo isch Wien?) und zLudi so halb verzwiflut afa: „The capital of Austria? But I’m pretty sure, you don’t know where that is…“ (Höiptstadt va Östriich, aber ich bi sicher dass nit weisch wa das isch.) und äs so: “oh yeah, I am. Like with all the kangouruhs“ (ka wiemus genau schribt hehe) (doch, ich weiss wa das isch, da wa di ganzu Kängurus sind…) hehe gosh, hämi wieder nimme erholt….


Ah und bevor dassis vergässu, am MO heiwer ischi Präsentation kä. Und tadaaa, eini isch afa gar nit erschinu inner Stund. Und di wa verantwortlich fer zPoschter isch gsi, het so gmeint, ah schi heige keis einzigs Bild chennu gfinnu. Und ich so, ja komisch, da hets eifach 100000 Bilder wani bim 1.Mal googlu hä gfunnu, und dü findsch keini. De isch appa dis Internet nit so toll… und schi het mi appa aglüegt gosh, hehe… di mag mi appa jetz nimme… jedufalls I don’t care… negschmal machi en freakin’ Sologruppa, hä kei Bock der ganz Plunner zmachu will danneru zfühl oder ztumm sind. Oder negschmal gahni eifach inen anneri Gruppa…. De siiwer das da ga vorträgu und di isch nur am umfa stottru gsi und bla, aber glöibu der Lehrer weiss eh wer das gschribu het, ufgrund vaner Satzstellig etc., also spilts appa eh kei Rolla…weird people…


Ehm am DI häni de mal wieder es „Tardy“ vercho, zspaat ind Schüel cho, will irgendwie dAlexis zspaat isch cho und schi es nöis Auto het und das isch nit agangu und gad alls ;-) na ja hä jetz appa scho 5 Tardys, aber fasch alli derfa entschuldigti, also chunnts nit so drüf a…


Und am DI iner Mittagspause isch dAmy voll üfgregt gsi und iner Gägund umfagsprungu, willschi bi Rotary hent üfgnu und schi negsch Jahr es Üstüüschjahr uf Südamerika oder Australiu cha machu… schi isch sooo üfgregt gsi, ich säguchas… (erinnru mi ane Schüelspaziergang letsch Jahr wani erfahru hä, dassi bi EF dri bi ;-))


Ehm am MI isch de wieder normal Schüel gsi. Hei wieder jenschti Formulari fer Graduation miessu üsfillu und bla… und cha appa mit minum teacher ins „Westside Story Musical“ gah, also äs ladut isch da i…isch eiguntli zimli kuul, üsser dass zwei va miner Klass biz palim palim sind, so biz Psychos. (Und das isch immerhin dHälfti va miner Klass *g*) ehm ja…


Was mer üfgfallu isch, ich bi dische SA scho 3 Monat hie und trödlöööö, was seit cha das? Geeenau, dassi scho bald wieder deheimu bii. (Fröiet cha gfälligscht*g*…) und der Marcio geit in 2 Monät scho heim, und äs het so gmeint, äs sige jetz en gspaltni Person, 50% welle heim und danneru 50% äbu nit ;-) well das isch appa normal…


Ah und nu gad, hä es Gedicht numal drigstellt, häs scho vor lengerum gschribu (ja sry isch wieder uf Englisch…;-), aber darfer bini ja schliessli hie ;-))…


Also, take care everybody!
Alls Lieba, Jeanine

12.10.06 04:05, kommentieren

OH MY GOSH...

Ciauu zämu… also ohni gross drumherumundumundum zredu,ich sägus jetz eifach wies isch: Das isch es absolut scheiss Wuchenend gsi, fasch zganza zumindescht…ich fa mal anna:


Also Fritag isch kuul gsi, hä nämli frii kä unde siiwer am Morgu nach Hood River gfahru unde biz ga ichöifu, de sii Jody und ich 4h mima Zugji ga manand fahru unde zum Coiffeur unde wieder heim…


Unde het der Plunner agfangu. Schribu jetz eifach di ganzu chleinu Situatione üf unde chennedercha gad mit mier fröiu:


am DO abu siiwer uber bi der Gisela gsi unde hetra Jody endli gseit, dass schi gheiratut hent vor 3 wuche. (NB häni das hie gschribu? Jody und der Luciano het spontan gheiratu?? *g*) und schi schwii verruckt und isch alli zämu als Egos bezeichnut und di Jody und der Luciano wellunt nit es riisu Fäscht machu und jetz organisiert di Pläga eifach es riisu Familyfäscht wa niemerd wirkli will...


anyway, am SA heiwer de anes Oktoberfäscht in Elevenworth, in sonera ditschu Stadt hie wellu. de hets gheissu, wier fahre am 5i, schi sige am 5i hie...
am Viertel vor 6i siiwer afa uber gfahru unde siiwer de endli mal gangu.
de bini afa liecht gnrävt gsi... nacher siiwer gfahru appa en Stund und ich hä
zviil kaffee getrüchu und uf zWc miessu unde hänira gseit (Gisela isch gfahru)
obsc aner negscht Raststätte chenne haltu, ich miesse dringund uf zWc... und schi so ja, aber das gäge nu en chleine Momänt... unde isch di pläga 43 min wiiter gfahru… mier isch so schlächt gsi wenni bi üsgstigu und häschi 5mal gfrägt ufum wäg wenn’s de endli sowiit sige... und da derzwischu sind 6 Raststätte gsi und schi so, ja da chasch nit güet züefahru (derbii alli sind genau gli) aber we de schi uf zWc müess de gstelle wer de mitti
iner Strass wes müess siii... de bini scho vellig agepisst gsi gäll...


nar siiwer in Elevenworth acho am 9i und schi het unbedingt eppis zässu wellu, also breakfast. und da isch alls meh so Bratwurscht etc gsi, und das het ersch ab de 11e üfgeta... de isch schi verruckt cho und het wellu gah. wier sii genau 10 min in der freakin Stadt gsi.. unde siiwer freakin wiiter gfahru bis am 11i... de siiwer zu Subway gangu gäll... unde siiwer agstannu und hinner isch isch vellig en schlanga gsi. Und di Gisela isch da nu am redu gsi unde het di bedienerii mich gfrägt, ob ich welle afa mit bstellu. Ich gad afa redu... de chunnt di gisela und drängt mich wäg, und scho so: " EXCUSE ME, I THINK
I WAS STANDING HERE BEFORE YOU WERE. AND I'M HUNGRY NOW..." (Sorry, aber ich wäri de ehner hie gsi und ich hä jetz Hunger.) Ich hä scho nur so aglüegt und gedeicht, das isch jetz en Witz oder? wier sii ja eh alli zämu gsi gosh...


hä mit dera der ganz tag fasch keis wort meh gredt und schi so, jeanine, bisch hitu nit so gsprächig? nacher heiwer scheiss Äpfel und Bire miessu ga pflücku, will schi das unbedingt het wellu machu. und am schluss schi der Mareike (irer üstüüschschieleri gseit) oh and we'll come back next weekend and we're gonna pick apples and stuff again (und wier chäme de negsch Wuchenend numal fer das Ziig hie zpflücku)... und ich hä schi so aglüegt,dMareike
will wer vorer wägu dem am läschtru sii gsi und gisela het das gseh und so zu mier: no worries, you don't have to come again... (Kei Angscht, dü müesch nimme cho.) und ich so: yeah i know (mitma hüeru grins :D)...


unde het Jody gseit fer an das freakin Elevenworth zrugg zgah, will fer das siiwer ja cho und gisela so, well i guess no, cause i just don't feel like going there. i wanna go home...(ehm nei ehner nit, hä jetz kei Luscht derzüe und ich will heim) hallo? undwer frägt isch...
Jedufalls siiwer de zrugg gfahru, unde isch schi freakin 6 Glasse ga chöifu obwohl niemerd eis het wellu, und schi het afa 2 gässu, iri Üstüüschschieler hent je 1 miessu ässu unde isch eis übrig geblibu unde hetsch afa manand
heuru, der scheiss schmelze jetz de... jemand miesse das jetz ässu... jedufalls het de der bailey miessu dra glöibu...


und ufum Wäg heiwer 3 mal fasch en Autounfall kä will di einta KEI AHNIG VA AUTOFAHRU HET!!!!!!! gosh, ich hä gmeint di bringenisch alli um...


Jedufalls am SO is de gad so wiitergangu... schi het scho am morgu schlächti Lüne kä und wier sii so äbu in di hircha da gangu...und das isch so en moderne dings gsi, nit emal en rächte Prieschter aber der het das güet gmacht, so dliit motiviert und nit eifach embricha gliirut, und äs isch nit en katholischi Chircha gsi, eifach so eini want mit jenschte Religione
i chasch... und im auto di jody so gseit, schi heige das äns güet gfunnu, viil besser wa di katholisch Chircha wa schi süsch immer gäge... unde het di pläga agfangu, jää, ira heige eifach di Bibelläsig gfählt. (der dings da het di gschicht va dene broti mit dene fischa und dem jesus da verzellt, aber het das so ins läbu umgsetzt, dassmus güet versteit)
und wier so, ja das sige ja vaner Bibel und schi schutz, abr inera Chircha MIESSE mu zWort va gott LÄSU, WORTWÖRTLICH... unde heiwer alli so, ja das miesse ja nit wortwörtlich sii... und schi so moll, süsch heiges nit mit Gott ztüe und wier sige egoischtu (dem sich afa keis Schwii meh nachcho) und di Jody so gseit, gsehsch, in der Chircha wa wier immer sii gsi, da hensch immer alls embricha gliirut unda hän ich nie üfgepasst und das hie isch viil eifacher
und viil besser gsi, will är uf dmänschu isch igangu... und schi so, Jody sige sonen Egoischt, immer alls wa fer schi eifacher siige und bla...


unde isch Jody durkiit, het afa flüechu und alls leida, das sige iri Meinig und schi chenne sägu was schi welle, und äs miesse nit immer alls na irum grind gah... und ich bi so schadufröidig gsi...


Gosh, di Einta isch wienes chleis Jüngi, schi het IMMER RÄCHT, IMMER!
Letschmal, heiwer swas kä wägu Waffe unde hetsch mich gfrägt was ich va dem halte unde hän ich gseit, dass ich das nit güet finde wies hie sige, ich finde ischers System besser. Und schi so, dü müesch gar nit alls mit der Schwiz verglichu und das hie kehrt zuma Läbu undra Kultur vane Amerikaner... und ich so, ja und darfer heider öi so viil Schüelschiesseriie und jeisset da manand und fräget cha wie die armu chleinu Chind an Waffe chämunt. und schi so, well, mu müess fer alls en Priis zahlu. und ich so, das sige zimli en hoche Priis... und schi nur so, ich verstähge das nit, und ich so nei, das verstähge wirkli nit... schi cha nit akzeptieru dass anneri en ANNERI MEINIG hent...
und ier wisset ja wie stur dasi cha sii unde schwigi da natirli nit :P


Am SO hetsch swas wägu Politik der Gerardo gfrägt und är so eppis gseit, und schi so, ja wieso de das müesch begründu... und är so, nei, schi gsehge sowieso nur iri Sicht und das ende inra Diskussion wa schi nar verruckti sige, är säge nix...


Gosh, di Einta…. *kopfabreissundindergegendumherschleuder* ;-)na ja, lohnt schi appa nit schich da üfzregu (machus gli *g*)… Wenigschtens heider jetz nu biz Unnerhaltig kä… Jetz aber nu eis, zwei Schüelgschichtini


Am MO het dAlexis verschlafu, de bini en Halb Stund zspaat ind Schüel cho, und Jody het mi miessu fahru. De hetschmer en Entschuldigung gschribu, nur so: Please excuse Jeanine for being late. (Bitte entschuldigen sie Jeanine für’s zuspät kommen) Unde het mi di Pläga da iner Schüel nachma Grund gfrägt, und da ich ja sonen Fän va Ehrlichkeit bii häni gedeicht versüechschus eso. Hänira das erklärt und schi so, ah nene, das akzeptiere schi nit. Und hä mal wieder es tardy vercho…


Jedufalls am MI bini scho wieder zspaat ind Schüel cho, und dizmal het mer der Luciano en Entschuldigung gschribu unde heder eifach drüf gschribu, ich heige Chopfweh kä. (Ganz klar gad fer 20min unde chumi ind Schüel *g*)… ich meinu di Einta het ganz sicher gwisst, dass das glogu isch, aber went halt mit der Wahrheit nit wiiter chusch, brüchsch anneri Mittel und Wege (weise Satz, gället?;-))…


Und am DI Abu isch mer en kuule passiert. Jody und ich hei spontan beschlossu (am halbi 10i am Abu) dasswer doch nu schnäll ins Kino chennti gah. Ok, de da ii, und sii d einzigu Liitini im Kino gsi. De siiwer ga „The man of the year“ ga lüegu, wirkli en super Film, nur leider is zspaat gsi fer zJeaninchen und äs isch nit mal bi der Hälfti igschlafu. Unde isch eppis actionriichs passiert, und di Jody isch wägu dem erchlipft und pufft mich mim Arm (und ich bi ja am Schlafu gsi) und ich bi soooo erchlipft wägu dem, dasi hä afa heuru…. Hehe und schi isch erchlipft will ich so am heuru bi gsi *g*…. Grööööll, wier hei nisch da nimme erholt, si en Viertelstund nur am Lachu meh gsi ;-)


Also Leutlein, jetz häni wirkli viil gschribu. Und jetz tient mer dFingra weh ;-) Also häbet cha Sorg und vermisset mich mal embiz *g* nei just kidding…

Jeanine

1 Kommentar 19.10.06 05:23, kommentieren

Fidileiooooo

Sodelein, wieder espaar chleini News. Öhm fäwer anna, fer di wasus nu nit wissunt, hä am DO theoretisch Permiprüfig fer zAutodingens endli gmacht und mit 100% bstannu, 0 Fähler ;-) und hitu häni eiguntli wellu mis provisorisch Permi ga holu, jetz isch das aber es hüeru Drama will ich „foreign exchange“ bi. Müessi zersch jenschti 1000000 Papiirfackla üsfillu und bla… hoffu dassis bis Endi negsch Wucha alls zämu hä. Unde chani endli ga dStrasse unsicher machu *g*…


Am DO Abu häni de mine erscht „gross, toll“ Üftritt kä. Wier hei ischers HELLO CONCERT mim Chor kä, und mis Solo het da drüs bestannu, dassi hä sellu „frère Jaques“ singu, will ich ja sonen schöne Franz-Akkzänt hä *g*… Jedufalls het de der Lehrer da zersch jenschts Ziig uber mich verzellt, de het zchlei Jeaninchen vor das gross Publikum ans Mikrofon miessu ga stah, und das Liedji singu… isch nu kuul gsi, und hoffuntli chani negschmal mal es Solo singu wa biz Niveau het *g*…


Am Fritag heiwer es Assembly, sonen Läsig kä. Gheissu hets „Rachel’s Challenge“. Isch sehr en güeti Sitzig gsi. Basically is drum gangu, dass bi der gregscht Schüelschiesseri inner US Gschicht „Columbine School Shooting“ (heider vili mitvercho??) 1999, 2 Boys inera Schüel heint manand gschossu, und d’erschta wasch umgebrungu hent isch äbu di Rachel Joy Scott gsi. Und iri Eltru hent de beschlossu, us dem eppis Positivs zmachu, und hent de di Kampagnaga gstartut. Isch sehr en idrücklichi Präsentation gsi. Irusch Brüeder, isch zu der Ziit vaner Schüelschiesserii iner Bibliothek gsi, wasch am Meischtu hent umgebrungu. Är het schini beidu beschtu Kollegu und schini Schweschter verloru. Bi der Schüelschiesserii sind 13 Liit gstorbu und 27 sind verletzt gsi…


In der Präsentation hensch empaar Sache gezeigt, wa ziemlich komisch sind gsi. Di Rachel äbu, schi heige immer gseit, schi stärbe jung und schi wärde eppis bewirku. De hensch verschiedeni Üfsätz va ira gezeigt, wa Sache hent kä, wa drüf higwisu hent, dass schi irgendwie zGfühl het kä, dass schi nimme lang wird läbu. Na irusch Tod het eine bi der Family aglitu und gseit, är heige en komische Tröim va irusch Tochter kä, dass är es Gsicht gsehge mit Träne wa embrii uf dÄrda kiiunt, unda wachse nacher eppis nöis. Und är het gfrägt, ob das irgenden Beditig fer di Famili heige. Und di hent gseit nei. Aber 6 Täg später, hensch de di ganzu Sache va der Rachel zruggvercho, dSchüelsache und alles, unda hensch ihres Notebook gfunnu, und irusch letschtusch Zeichnig isch genau das Bild gsi. Es Gsicht wa Träne embriicha ufe Bodu kiiunt und nacher wachst da en Rosa. Und wisseder vieviil Träne schi gmalt het? Genau 13, und 13 Liit sind bi der Schiesserii gstorbu…. Vili alls Züefall, vili aber öi nit…


Jedufalls hensch schi öi mit der Anne Frank verglichu (fer di wa nit wissunt wer das isch, läset unbedingt „das Tagebuch der Anne Frank“… das müess mu fasch gläsu hä…) und ich glöibu wie öi dAnne, wird dRachel ini Gschicht igah.
Fer di wa meh uber das wellunt wissu, und biz Englisch chennunt, gäht mal uf di Homepage www.rachelschallenge.com


Fer di wa mal mini High School biz wellunt kennulehru, und öi biz Englisch chennunt (danneru chennunt eifach di Bilder alüegu *g*) gäht am Beschtu uf dHomepage www.tdwhs.com und vergnieget cha da ;-)


Negsch Wucha isch HOMECOMING WEEK, fer di wa nit wissunt was das isch, das isch basically zimli en komischi Wucha, dStunduplän sind alli durenand, mu het vili Ereignissi, Assemblys, mu verchleidut schich, äs isch zletscht Spiil vam Football „deheimu“ und äs git en Dance. Zu ischum Plan fer negscht Wucha: Also wier hei am MO Pyjama Day, am DI Pirate Day, am MI Hawaiian Day, am DO Cowboy Day und am FR School Spirit Day. Irgendwe heiwer Volleyball game und süsch nu swas. Und am FR Morgu heiwer Noise Parade (Krach Parade, da machsch eifach Krach *g*) und nacher es Barbeque unde verschiedeni Aktivitäte. Fritag Abu isch zGame und Samstag Abu de der Dance… tent doch luschtig, oder? Fröiu mi ufe Pyjama Day, de chani lenger schlafu *g*


Diz Wuchenend häni kei grossi Plän, müess schlafu und mich biz üsrüehu. Bi totmieds. Moru mabu gahni de anen Mexikanischi Geburtstagsparty und moru appa de nu bisschen Babysittu…


Also, wenner diz WE wellet telefonieru mit Skype oder so, dChance stähnt vermüetli güet, dassi Ziit hä ;-) Schribet mer eifach emal… Sorg hä!
Jeanine

1 Kommentar 21.10.06 07:03, kommentieren

RIP Bacardí & Silver

Aaalso, wiedermal es Itragji va mier. (geit sie halt biz lenger, aber eswe chumunsch immer *g*)… also am MO bini de wieder uf das DMV Amt gangu, fer zPermi… und das isch so peinlich gsi. Will ich bi ja vellig es Genie im Unnerschrifte fälschu (nit wirkli, aber détail) und da ich nit 10000 Jahr hä wellu wartu (nei, ohni ubetribu *G*) het mer der Papa gseit fer schis Formular da eifach zunnerschribu. Also häni das gmacht und dene wellu vorschauklu ich heige das gfaxt und alls. Nur leider häni nit gwisst, dassmu da nar es Nummer obena gseht. Jedufalls äs so, ja das isch zFax? Und ich so jaja, mit der Unnerschrift va mine Eltru. Und äs so, ja nei, das isch zOriginal, süsch gsehti mu da zNummer obena. Unde va wellum isch das jetz dUnnerschrift? *g*…na ja, jetz chani wirkli 100000 Jahr nu wartu, will häsus mit der Poscht derfu schicku…


Ah, hä ja nu gar nit gschribu wie mis Wuchenend isch gsi. Am Fritag mabu häni glöib nix gmacht? Appa dvd oder so glüegt. Und am SA bini de am babysittu gsi, Bailey isch hie gsi und schi sind beidi am Schaffu gsi. Als erschtes am Morgu häni feschtgstellt, dass mini gliebti Hamsterlini gstorbu sind, vermüetli hensch zchalt kä, will hä vergässu zFeischter züe ztüe iner Nacht und am anneru Morgu sindsch tot gsi. Also häni di inen Kartonschachtla kiit und 10 Blocks wiiter inen Müllcontainer gschossu *g*…


Jedufalls am SA Abu bini an miner erscht mexikanisch Geburtstagsparty gsi. Isch luschtig gsi, sägu nur „cerveza, bailar y tequila“ ;-) wenner wissti wieni meinu… also Mexicans wissunt scho wie fäschtu. Zmalsch dräht eifach eis dMüsig volli Channa üf und de stellunsch di ganzu Mebel wäg und fähnt afa tanzu. Und we der Luciano het afa tanzu häni mi nimme erholt & bi fasch vam Stüehl kiit. Und zer Straf häni de sonen Art mexikanische Tanz miessu lehru (na ja fer mich hets üsgseh wie „besuffene Mexikaner hopsen umfa“) aber isch luschtig gsi…


Am Sunntag heiwer de nit viil gmacht, hä miessu HA’s machu und Schüeh chöifu und das isch’s basically appa de gsi.


Jedufalls het de äbu Homecoming week agfangu, am MO wie gseit Pyjama day. Isch luschtig gsi und findus schad dass nit zganz Jahr Pyjama day isch *g*… jedufalls heiwer jede Tag en halb Stund sones Assembly, wasch verschiedeni Wettkämpf zwischu Sophemores, Juniors und Seniors hent. Und der Kamp isch immer voll krass, scho nur iner Turnhalla, wehe jemand wa kei Senior isch sitzt ufe Senior Plätz, de ade fäscht *g*…Am DI (Pirate Day) und am MI (Western Day) bini de nit verchleidut gangu, will hä eh nix kä. Moru isch de aber Hawaiian Day, de heichi de espaar Blüemini um…


Öhm was susch nu so? Ahja… wärdu hie nu vellig zer Journalistin. Basically alls wani momentan machu isch, Zitig läsu, Liit interviewu, Artikla schribu oder News im TV lüegu. Und vermüetli chennwer de ab Januar endli en Schielerzitig machu *megafröiiiiiii* Jedufalls müessi momentan en Artikel uber das Assembly va letsch Wucha „Rachel’s Challenge“ schribu, müess Liit interviewu und alls. (nb lüeget der Kommentar vam Pascal zu Rachel’s Challenge in minum GB anna *schleichwerbungmach* danke!)… vili stelli de der Artikel hie drinna, wenni fertig recherchiert hä (tent doch kuul?!)


Was löift süsch nu so? Mh diz Viertelsemeschter geit nu bis negschte DO (Nov. 2.) unde chani Gschicht gägu Spanisch iwägslu. Da bini gad froh *g*…


Und hitu ischmer wieder eppis tolls passiert. Bi nader Schüel deheimu gsi, und hä Pyjamahose und es Trägertriggi akä und hä dMüsig voll üfgedräht kä und bi da am mitsingu gsi. Und zmalsch kehri swas Lachu, unde steit der Eric (Zwillingsbrüeder vam Phillip) an miner Zimmerporta und grinst…. Hehe. De hets appa 10 Minüte glacht unde hets afa va Schwizerchääs redu… eiguntli hets der Luciano gsüecht aber äbu… chli peinlich gsi *g*…


Böö gits süsch nu eppis nöis? Ich weiss gad ehrli gseit nit. Gosh bi scho wieder (bzw. immernu) ercheltut, d.h. äs isch Ziit dasi müess ga en Winterjacka chöifu, will äs isch so freakin cold!... na ja dische SO gäwer de appa uf Portland ga ichöifu…


Also, das wäris de wiedermal, bis zum negschtu Mal. Hächa fescht gäru!
Jeanine

2 Kommentare 26.10.06 03:45, kommentieren