Archiv

Skating, Firealarm & Newport

Hello dudes...

Also hie isch soo viil los. Ich faa mal mit geschter a, de siiwer nämli am Abu so inen Halla gangu want hesch chennu skatu, also immer so im Chreis umfadödlu. Das isch nu ganz luschtig gsi (wäri nu luschtiger gsi wemus hätti chennu *g*) und am Schluss hensch alli ab der Skate Bahn geta und de siiwer da ga tanzu ;-)


Hitu morgu heiwer de gmietli wellu ga Früehstuck ässu, unde zmalsch geit der Fiiralarm los und alli löifunt so gmietli üs vor dHalla und de geit das nu en halb Stund so wiiter. (Ok besser wa mal mit der Sierro wawer Fiiralarm hei kä und schi isch gezwungu het im Zimmer zblibu und knallhert iri Franzstund het durchgezogu ;-)) Jedufalls häni nu ka wieso dass jetz Fiiralarm isch gsi...


Und nacher siiwer de uf Newport, Rhode Island gfahru (nei, nit Newport va O.c. California *g*) unde heiwer da wieder der ganz Tag chennu machu was wer hei wellu. Zersch siiwer biz ga Gschäftini alüegu und eppis ga ässu, nacher heiwer nisch sones Billet köift fer "Newport Mansions" azlüegu. Das sind eso steiriichi Hischini, wirkli voll di Prunkschlesser und alles. Isch aber voll geil gsi, hä empaar Bilder gmacht! Newport gfallt mer eiguntli zimli güet (besser wa Boston) will da hets uberall so kuuli Hischini, bisch am Beach, äs het en hibsche Hafu und alles... sehr schön also ;-)


Ehm was gits hie süsch nu so? Also Wättermässig chani sägu, äs isch hitu sehr heiss gsi (fasch 40 Grad) und moru hets glöibi 36 Grad gmäldu (isch hie nu rächt viil). Wenns emal ima Schüelzimmer gad so agnähm warm wäri, de chunt sofort en teacher icha und meint : oh my god it's too hot in here... (und de isch de wirkli NIT heiss! ;-)) und scho löift di Klima wieder...


Was mer nu gad ziichunnt (also vorallum gad an Carla & Chantal hehe) schi sägunt de hie wirkli viil: Oh that's awesome! :-) und letschmal isch eini so cho und het einum va ischer Klass gseit: Oh that's awesome! und äs falsch verstannu und lüegt schi so schräg a und frägt: Why did you call me asshole? ;-) Das isch nu so funny gsi, het alls glacht.


So sprachlich ischs ganz ok. Verstah tüeni eiguntli zimli güet, häni aber scho bevor dasi bi hie cho (o.c. DVD Box sei Dank *g*) und wenni mi will verständigu verstähnt dmeischtu eiguntli öi. Nur was mi so dücht, Endi vam Camp chani glöibi perfekt Hochditsch, aber nit besser Englisch wa vorer ;-)


Jaa, also was süsch nu so löift. Mou heiwer Schüel, und nacher eswas Wackie Games oder eso (ka wasi mier da soll vorstellu) und am Abu gahni appa mal wieder es Filmji ga lüegu. Und nacher isch nu irgendwe Year Book Presentation und Talent Show und eswe müessi nu ipacku, will am SA fligi ja de scho. Am FR gahni de appa nit ga liggu, will sumi hent gseit ische Flug sige scho am 6i Morgu ( 2h ehner da sii, 1h fahru d.h. halbi 2i oder so üfstah)... unde isch das Camp scho um. Bi eiguntli nu so froh, de geits endli ab and Westcoast und biz eppis definitvs erfahru und eso, we'll see...


Also denn, ladu jetz de gad nu empaar Fotos hoch, miesst de eifach gad ga drilüegu ;-) Häbet cha sorg, hächa gäru!


Jeanine

2 Kommentare 2.8.06 02:11, kommentieren

It's getting hot in here...

Good evening guys…


Mal wieder some News va hie. Also geschter der Tag isch sehr crazy gsi.
De hensch zersch dSchuel ufe Namitag verschobu, damit wer am Morgu die Wackie Games chenne machu (will susch am Namitag zheiss sige). De siiwer also am 10i iner gregscht Hitz us vorna ufe Sportplatz gangu, fer di Games ga zmachu. Und ja, de siiwer das da ga machu, und de hets agfangu. Alli zheiss kä unde sind d’erschtu umkiit….
De isch das so wiitergangu und bis Endi Tag sind 10 Schieler und 2 teacher umkiit undi hensch de ine Spital miessu fahru.


Am Namitag isch de dSchuel uskiit, wägu der Hitz (het 48 Grad kä )
Und am Abu siiwer sogar im American TV cho waegu dem….
Jedufalls heiwer am Namitag nimme ellei usderfu und ab und zue isch so jemand cho frägu obwer nu läbe.


Am Abu heiwer de wellu inen OutletMall gah, unde siiwer aner Bushaltestell gsi unde faats volli Channa afa pissu, aber isch gad agnähm gsi, so en Abchielig. Jedufalls siiwer nacher ga shoppu und isch nu luschtig gsi…


Nacher siiwer wieder zrugg cho und in ischi Suite gangu (steit anner Tiri, aber isch ^biz^ ubertribu hehe) unde siiwer da nu schutz im Ufenthaltsruum umfagheicht (also Ich und Sonja, Kadda und Patrizia wa alli us Ditschland sind) unde heiwer da sones Buech ka (High warden ohne Drogen) unde heiwer nisch ab dene Iebige so zfätzu glacht dasi gmeint hä zhalb Huus sige wach wägu dem…*g*)


Und hitu häni dFlugdate vercho. Also ich fliegu SA Morgu am 6.00 va Boston uf Chicago und va da de wiiter nach Portland unde chumi da am morgue am 10i a (Ortsziit bi dene) d.h. fliegu so rund 6h oder eso. Und bis Boston 1h fahru und 2h ehner da si, d.h. ich gah appa moru mabu gar nit ga liggu 


Was jetz bis zum Abflug nu loift, also hitu nu ga packu, am Abu Talent Show unde moru nu Schuel, am Abu Year Book Presentation und nacher halt wartu bis ab zum Flughafu geit… Ahja, und nacher hani de immer 9h Ziitverschiebig (also wenn ier z.b 20.00 heit han ich 11.00 am Morgu)…
Ja das wäris mal wieder gsi fer de Momänt… weiss jetz nit weni negschmal Ziit hä eppis zschribu,ich hoffu bald 

Häbet cha mega Sorg und vermissunä! Jeanine

2 Kommentare 3.8.06 21:50, kommentieren

Jeanny in Oregon

Heey Guys...

Bi jetz endli in Oregon acho. Am FR nacht heiwer fasch alli durgmacht, wills schi nit glohnt het fer ga zschlafu. Nacher wieder es Abschiedsdrama, will mu het halt gli sooviil noi Liit kennu glehrt, und mu macht de gli zämu eppis durch, in dene zwei Wuche...


Und nacher is losgangu, am 6i bini va Boston gflogu (und natirli häni Ubergepäck kä, und ha nu 50 Dollar miessu zahlu, but don't worry...) nacher heiwer miessu umstigu in Chicago, und am 10.22 bini in Portland, Oregon acho. De isch de mini Betroieri scho mit irum Maa und Balleen am Flughafu gstannu und hent mi ganz lieb begriesst. Nacher heiwer nu bis am 2i miessu wartu, will zwei Ditschi momentan oi nu bi isch wohnunt. Randolf und Mathis heissunt di.


Nacher siiwer eppis ga ässu in soma schoenu Restaurant am Fluss. Unde siiwer in irusch Huus gfahru, und das isch appa geil. So es chleis gmietlichs Huuesji mit ema Gartu und alldem, muess cha de Fotos machu. Randolf und ich wohne mit der Gisela (Betroieri) und dum Allen (Maa) in irum Huus und der Mathis wohnt dernäbu bi der Grosseltru.


Unde siiwer da biz gmietli gsi, bis de zmalsch Kira va Ditschland isch acha cho (anneri Exchange Student) und di het soo Heimweh kä dasch het heimwellu, unde heiwer di biz ufgebuut und alles... Mini Betroieri isch ubrigens Ditschi und mit 13 Jahr uf Amerika gezogu, schi cha also oi ditsch...


Am Abu sind de nu va dene di Tochter (shelly) ire Maa (Eden) und ire anner Sohn (Elias) cho und hent Fotos gezeigt, wasch sind ga Sky Diving gloibs machu oder ka meh. Unde heiwer nu es Gwehr gseh, under Eden meint so: Yeah, welcome in America! hehe


Nacher bini de in miis kuul Zimmer ga liggu, voll es geils Bett. Und am 8i hets klopft, as sige Ziit zum ufstah. De siiwer ind Mäss gangu, und ja, isch biz annersch, vorallum dLiit umarmunt schi mal eifach so währund dem, jedes cha us und igah wes will. uf zWC währund der Mäss etc.


Ja und hitu Mabu lehri de vo dene danner Tochter kennu (Jody) und di wellti mich äbu ufnah, mal abwartu wie das loift..
Ja, das isch wies hie so abgeit... also di Gägund isch mega geil hie, wirkli... voll hibsch (jaja machu de Fotos...) und jaa. In dem Ort wani gad bi (Dallesport) wohnunt jetz gad nu empaar Schieler wani scho kennu (Kira, Thays, Adam und David, kenni alli vom Camp...)


Ja, das waris de appa gsi. Hoffu ew mäche das Gspass hie zläsu und so;-) bis negschtmal, sorg hä!

Jeanny

2 Kommentare 6.8.06 22:38, kommentieren

I get a family!!!

Heey Liit,

hä geschter mini Famili vercho! Ich gah zer Tochter voner Gisela, di heisst Jody und zu ihrum Froind, der heisst Luciano (gloibi)...und di hent nu en Hund, und da wohnt nu es anners, aber äs sige fasch nie da.... jedufalls häni es Zimmer chennu usläsu, und hä nu sonen Art chleis Wohnzimmerli fer mich ellei! dude das isch so awesome, ich sägunes!


Ja häne das nur gad wellu sägu, will muess jetz de gad wieder gah, mäche hina DVD Abu, so alli ATS va hie zämu...

Bis denn,
Jeanine

2 Kommentare 8.8.06 01:49, kommentieren

Heey, I moved out

Hey Liit, wie geits cha so?

Mier geits ganz guet, bi geschter zu miner Hostfamily geziglut und ja, isch wirkli geil hie. Es grossus Huusji, es haerzigs Hundji und jaa, voll naetti Liit hie...


Dischi Wucha siiwer meischtens mit de Ustuuschschieler zämu gsi, mal ins Kino (Miami Vice), bowlu, Movie Night, ind City... ja stuff like that.


Ja, also ich wohnu hie wie gseit in soma typischu chleinu amerikanischu Huusji mit Neighboorhood und allum. Und wier hei en chleine Hund namens Cucho. Mini Gaschteltru sind wie gseit Jody und Luciano, nu kuuli. Und ha nu susch en Mitbewohner (der schafft mit mine Gaschteltru) und der heisst Phillip und isch 20. Mit dem bini hitu morgu scho ga Aessu ichoifu und alls. Aes isch nu es kuuls, lost gueti Music (Metal) und schi wellunt mer de hie unbedingt Autofahru biibringu. Jody will mit mier uf Portland ga shoppu, eswe gaewer vili ga campu und jaa... also ja, mier gfallts hie guet! :-)

Hitu mabu gaewer anes Barbecue mit Autoshow, moru gawer uf Portland (voner Gisela der Sohn geit fer 6Mon uf Afgahnistan) und am SO isch Dragster Race... also loift hie zimli viil...

Ich ladu jetz de eswe noii Bilder hoch, gah nacher nu mim Hund embiz us unde machi nu vam Huus Bilder! Also nu chli Geduld...

See ya, Jeanine

1 Kommentar 11.8.06 21:24, kommentieren

Greets from the States...

Good Morning Guys... how are y'all?


Mier geits hie guet, ha wieder viil nois erläbt und darum fahni am beschtu gad a verzellu:
Also am Fritag Abu siiwer de da in die Car Show gsi, das isch unnena in downtown gsi, de siiwer da gmietli vor dum Gschäft vam Marcios Hostdad gsitzt, Autos agluegt und Hot Dogs gässu.


Am Samstag het de Jody frii kä, de siiwer am morgu als erschtes zu Starbucks ga es Kaffee holu, nacher siiwer muber uf Dallesport gfahru, danneru ga holu unde siiwer inen Park oberhalb vo the Dalles gfahru. De heiwer da gmietli ische Lunch gässu, hei Autos agluegt, Fuessball gspilt (Thays und ich hei eiguntli nur zuegluegt) unde häni alli nu igladu fer zu mier cho en Film zluegu. De heiwer ^The fast and the Furios^ gluegt unde sind de di Liit wieder heim gangu und nacher häni de mim Phillip und schine Kollegu am Abu nu en Film gluegt, ka meh was fer eine *g*...


Am Sunntag morgu siiwer de eswe ufgstannu, unde sii Jody und ich an das Drag Race gangu. Isch nu geil gsi, allerdings ischs mega heiss gsi unde siiwer nit meh wa so lang da gsi. Nacher siiwer zrugg ins Huus, hei Cornflakes gässu und ^der letzte Mohikaner^ uf DVD gluegt. Nacher isch de der Luciano zrugg cho, unde heiwer gad spontan beschlossu (am 5i am Abu) dass wer doch uf Portland chennti ga ichoif. De heiwernisch also z6t in ischers Auto gezwängt (Luciano, Jody, Bailey (Chind vam Luciano), Carlos (Neffe vam Luciano) und der Vater vam Carlos) unde siiwer gmietli 1.5h uf Portland gfahru. De siiwer da inen Mall und sii gmietli zerscht ga ässu und kuum welle wer afa ichoifu, tient alli Gschäfti zue....hehe... de siiwer also gmietli nu biz in Portland manand gfahru, sii nacher nu an so beruhmte Wasserfäll ghaltu unde het der Luciano wellu Fotos va mier und Jody und Ihm machu, dasi di de cha heimschicku und so. Ja jedufalls ischs de gli en kuule Abu gsi...


Geschter, also am Mäntag, siiwer de uf Hood River gfahru (also Jody, Gisela, Randolf, Bailey und ich) und de siiwer da ga lunch ässu und nacher nu zu Wallmart ga ichoifu. Nacher siiwer wieder zrugg gfahru, sii nu so empaar Sache ga luegu fer ^Baby Shower (sonen Art vor-baby-party)^ wa Jody organisiert unde siiwer wieder zrugg. De bini so gmietli am PS gamu gsi mim Klein Bailey und de litut zTelefo, der Marcio isch dra gsi und gseit wier chennti doch inra Halbstund alli zämu ins Kino. Ok, halb Stund später siiwer alli zämu da gsitzt und hei ^Barnyard^ gluegt, das isch sonen Trickfilm gsi und ja, isch nit sooo schlächt gsi, nit THAT bad.... *g* Jedufalls siiwer nacher nu zu ^Dennys^ eppis ga trichu unde isch de vam MArcio der Hostbrother (Simon) isch mim Auto ga holu, de sii also der Marcio, Simon und ich nu irgendwa rauf gfahru fer Autos azluegu, und hä schnäll wellu der Jody alitu, dass schi mich nit miesse ga holu, sondern der Simon mich heimfahre, unde häni vili 10 Sekunde mit ira telefoniert und ha fasch 20.- gezahlt! lol, jedufalls muessi jetz de hie en sim charta ga choifu, susch bini zmalsch nu arm *g*


Ja und hitu, also Ziischtag, bini gmietli ufgstannu, ha zganz Huus fer mich, ha mal miis Zimmer geputzt, miis Gwand gwäschu und endli mal Ziit kä Fotos hochzladu. Wenner di gäht ga aluegu, vam Camp hets noii uf Sita 11 und 12, unde im anneru Album (The Dalles in Oregon) da chenneder oi aluegu. Sind leider nu nit so viil, aber machu de nu empaar meh...


Also, ich muess de mal wieder ufheru, das wäri bis jetzt alls va mine News in Oregon. Vili liebi Gruessini, hacha gäru!
Jeanine

3 Kommentare 15.8.06 21:06, kommentieren

Life in the Dalles

Huch, jetz isch bald scho wieder en Wucha um und dische Samstag bini de scho en Monat hie acha ine Staate, das isch ungloiblich wie schnäll di Ziit hie vergeit!


Langsam normalisiert schich hie alles, der Tagesabloif und eso. Vorgeschter bini also gmietli hie deheimu gsi und am Namitag häni beschlossu hie dNachbarschaft biz ga azluegu, de häni also der Hund Cucho mitgnu und bi mit dem hie um dHiischer gezogu (besser gseit är het mich durch di ganz Nachbarschaft gschreckt *g*)... Jedufalls isch nacher Jody am 5i vam schaffu cho, de siiwer gmietli eppis fer zNacht ga choifu unde siiwer heim ga Tacco's (nach amerikanischer Art) machu und di g'ässu. Fer di wa nit genau wissunt was das isch, das sind so Teils (mu cha oi Tortillas nä) unde fillsch da eifach jenschts Ziig dri, Hackfleisch, Sossa, Salat, Tomat....isch jedufalls nu guets gsi! :-)


Nam zNacht bini gad ins Zimmer eppis ga holu unde chunnt zmalsch der Luciano und bringt mer sonen portable DVD Player. Unde meinter so, ja da mine TV im Zimmer nit immer gäge und ich vili nit immer im Wohnzimmer welle luegu bringe är mier jetz denu. Und ich so voll uberrascht, well thank you! *g*


Ja geschter der Tag isch in etwa glich abgluffu, usser dassi am Abu nadem dass Jody het fertig gschafft kä nu in sones Gschäft bi ga en Wireless Router ga choifu. Nacher siiwer heim ga zNacht ässu unde heiwer äbu das mim Wireless wellu probieru, de hets gheissu ja ganz easy steps, und wier das alls genau so gmacht und nix isch gangu. Numal gmacht und numal und numal.... de siiwer da fasch 3h ghockt und am Schluss heiwer der Phone Company aglitut und di hent gseit vili sige der Router kaputt. Jedufalls geit de der Luciano hitu denu ga umtischu unde probiere wers de numal :-)...


Was mer nu gad isch ziicho, hä mier hie scho zimli fescht zAmi Englisch ageignut *g* das heisst, sägu nie yes sondern immer yeah und in alle fa mine Sätz (ok in 90% va mine Sätz) isch like dri. *g* da hätti de zHilti gar kei Freid wenn ich schis schoen British English hie so versauo, aber was solls...


Ja ich gloibu das wäri wieder alls Noia gsii va hie. Hitu gahni ufe Märt ga Zeugs verchoifu und moru gahni de mit der Jody Sache fer Baby Shower ga ichoifu unde am SA isch Baby Shower, loift also immer eppis...


Bis denn, heit cha Sorg!
Jeanine

1 Kommentar 17.8.06 19:07, kommentieren